Qeveria shqiptare ka parshikuar r 57 milionë euro për zbatimin Reformës në Drejtësi, kryesisht për ngritjen e Byrosë Kombëtare të Hetimit, Prokurorisë së Posaçme dhe Gjykatave Speciale. Për këtë buxhet qeveria do të krijojë një fond rezervë për katër vite kalendarike. Një pjesë e parave do të shkojnë për pagat e hetuesve pranë Byrosë Kombëtare të Hetimit, prokurorëve të Prokurorisë së Posaçme dhe gjyqtarëve të Gjykatave Speciale. Gjithashtu, ky fond do të përdoret për blerje pajisje përgjimi dhe mjete të tjera për SPAK-un, ku përfshihen tre organet e mësipërme.
“Shqiptarja.com” shkruan se paratë do të përdoren edhe për zyra, trajnim të personelit dhe për rritjen e pagave për të gjithë njerëzit e drejtësisë që kalojnë Vetingun.
Konfiskimi i pasurive të korrupsionit
Në strategji parashikohen edhe kursime nga lufta kundër korrupsionit, konkretisht nga konfiskimi i parave dhe pasurive të paluajtshme, produkt i aferave korruptive. “Kurime të mundshme mund të rezultojnë nga lufta kundër korrupsionit. Këto kursime, megjithatë, do të hyjnë në fuqi vetëm pas investimeve dhe si rrjedhojë mund të llogariten vetëm në një masë shumë të kufizuar për periudhën e zbatimit të strategjisë.
Masat e të ardhurave janë planifikuar për financimin e një pjese të shpenzimeve për zbatimin e strategjisë. Është krijuar një fund rezervë për vitet 2017-2021. Fondi rezervë për 2017 është 3 731 343 euro, për 2018 është 7 462 687 euro, për vitin 2019 është 13 432 836 euro, për 2020 është 16 417 910 euro dhe për 2021 është 16 417 910 euro”, thuhet në dokument.
Fondi rezervë për vitet 2017-2021
2017 3 731 343 euro
2018 7 462 687 euro
2019 13 432 836 euro
2020 16 417 910 euro
2021 16 417 910 euro
(J.V/Faxweb)
Discussion about this post