Gazeta “The Guardian” një ndër më prestigjiozet në Angli dhe në të gjithë botën i ka kushtuar një reportazh të gjatë Kosovës, në prag të festimeve të 10-vjetorit të festimit të Pavarësisë së saj. “Kosova në 10 vite shtet; sfidat errësojnë festimet”, gazeta britanike ka renditur një sërë sfidash mes të cilave ndodhet sot Kosova si emigrimi, papunësia tek të rinjtë, krimet ende të pazgjidhura të luftës dhe ndarjet etnike të cilët janë etiketuar si një “dhimbje koke” për faktorin ndërkombëtar.
“Mosmarrëveshjet territoriale në Kosovë duken kaq të pazgjidhshme saqë prej pak kohësh po pluskojnë ide të ripërcaktimit të kufinjve në Ballkan, një lëvizje e cila mund të shkaktojë reagime jo të mira zinxhir”, shkruan prestigjozja “The Guardian”. “Bernard Kouchner, ish-përfaqësues special i kombeve të Bashkuar në Kosovë, e deklaroi shpalljen e pavarësisë së Kosovë: Si një nga sukseset e sistemit të Kombeve të Bashkuara.
“Ajo ishte një luftë, një luftë e përgjakshme dhe tani jemi në paqe”, tha asokohe Kushner, duke e cilësuar ndërhyrjen ndërkombëtare si një “Një sasi e madhe parash dhe mundi i justifikuar”. Por pavarësisht përpjekjeve të aleatëve, Kosova mbetet një nyje ndërkombëtare. Serbia vijon të mos njohë pavarësinë territoriale të Kosovës duke pasur pretendime kushtetuese mbi të. Ndërkohë Kosova nuk është bërë ende një anëtare e Kombeve të Bashkuar, me anëtarët të Këshillit të Sigurisë si Kina dhe Rusia të cilat vazhdojnë të bllokojnë hyrjen e saj.
Nga ana tjetër ndonëse BE ka qenë një nga mbështeteset kyç të Kosovës e cila pretendon ti bashkohet bllokut, ende 5 anëtare të saj nuk e njohin si shtet. BE e ka bërë të qartë që normalizimi i marrëdhënieve mes Beogradit dhe Prishtinës është një kusht ndaj Serbisë për hyrjen në BE, por sërish gjuha ambigue e bën të paqartë faktin nëse kjo do ta detyrojë fqinjin serb të pranojë Kosovën si shtet. Beogradi ka nisur një “dialog të brendshëm” në këtë çështje, në përpjekje për të gjetur një zgjidhje të pranueshme.
Vëmendja është fokusuar në veri të Kosovës, ku Beogradi ka influencë domethënëse. Në anën veriore të lumit Ibar që ndan qytetin e Mitrovicës, rrugët janë të mbushura me flamuj serb, kafet dhe baret përdorin dinarin serb.
Jashtë gjuhës zyrtare, shumë diplomatë dhe politikanë flasin për një mundësi ndarjeje të Kosovës, me Serbinë që mban pjesën veriore dhe lejon Kosovën të hyjë në Kombet e Bashkuara. Por shumë i ndruhen faktit që kjo do të bëjë që të shpërthejnë konflikte të rinj në Ballkanin me një Bosnje dhe Maqedoni multietnike dhe serbët në zemër të Kosovës, veçanërisht vulnerabël në një rast të mundshëm të rindarjes territoriale”.
Discussion about this post