Në Gjirokastër janë sekuestruar 58 kilogramë e dyshuar si cannabis sativa dhe janë arrestuar nga policia dy persona.
Droga është kapur në një automjet tip “BMV” në aksin rrugor Tepelenë-Gjirokastër. Në prangat e policisë kanë rënë Petro Ngucaj, 38 vjeç dhe Çelo Çelo, 23 vjeç.
DETAJE:
Finalizohet me sukses operacioni antidrogë i koduar “VIROI”. Operacioni nga Seksioni për Hetimin e Narkotikëve në D.V.P.Gjirokastër. Sekuestrohen 58 kg lëndë narkotike e dyshuar Cannabis Sativa. Arrestohen në flagrancë dy shtetas. Në bazë të informacioneve të marra në rrugë policore nga Specialistët e Seksionit për Hetimin e Narkotikëve në D.V.P Gjirokastër se në rrugën nacionale Tepelenë – Gjirokastër po lëvizte një automjet në të cilin dyshohej se kishte lëndë narkotike, menjëherë u organizua dhe u zhvillua operacioni i koduar “VIROI”.
Si rezultat i operacionit, në vendin e quajtur “Ura e Viroit”, në hyrje të qytetit Gjirokastër, nga kontrolli që u krye në automjetin “BMV”, me targa A23 E 505, me drejtues shtetasin P. N. dhe me pasagjer shtetasin Ç. Ç, u gjet një sasi prej 58 kg lëndë narkotike e dyshuar Cannabis Sattiva.
Lënda narkotike u sekuestrua në cilësinë e provës materiale.
Nga Specialistët e Seksionit për Hetimin e Narkotikëve u bë arrestimi në flagrancë i shtetasve:
P.N, 38 vjeç, banues në Gjirokastër.
Ç.Ç, 23 vjeç, banues në Gjirokastër.
Materialet i kaluan Prokurorisë së Rrethit Gjyqësor Gjirokastër për veprën penale “Prodhim dhe shitje e lëndëve narkotike, e kryer në bashkëpunim”, parashikuar nga neni 283/2 i Kodit Penal. (J.V/Shuplaka)
