594 familje në qarkun e Tiranës që janë prekur nga fatkeqësi natyrore si përmbytje,rrëshqitje apo djegie banese janë dëmshpërblyer sot .
Në një aktivitet që u mbajt në pallatin “Asllan Rusi” ku ishin të ftuar të gjitha familjet që morrën dëmshpërblin, ministri i brendshëm, Samir Tahiri tha se qeveria dhe pushteti vendor do të marrin të gjitha masat për të shmangur fatkeqësi të tilla.
“ Historia jonë në këtë zonë nuk duhet të mbyllet me dëmshpërblimet. Hoistoria jonë duhet të fillojë me angazhimin për të rregulluar njëherë e mirë çdo problem që ka zona dhe që sot është premisë dhe që nesër do zoti e nuk përbytet përsëri. Këtë e kemi diskutar shumë herë edhe me kryeministrin Rama dhe me kryebashkiakun Erionin dhe me Minsitrinë e Financave dhe me këdo tjetër që mund të kontribuojë për të zhgjidhur njëherë e mirë historinë e vazhdueshme të përmbutjeve”, u shpreh Tahiri.
Ndër të tjera ai shtoi se historia e përmbytjeve për këto familje do të jetë e harruar.
“ Ndaj ne sot e nisim me dëmshpërbilime dhe vitin tjetër me investime konkrete në mënyrë që të shmangim njëherë e mirë përmbytjet dhe përmbytjet për ju të jenë një histori e harruar. Do kemi shumë probleme për të mbyllur bashkë por jo përmbytjet”, tha ministri. (J.V/Shuplaka)
