Një i ri është vënë në prangat e Policisë së Korçës pasi u kap në flagrancë teksa qarkullonte 6 bagëti të trasha të pamatrikulluara, të dyshuara se ishin kontrabanduar nga Maqedonia.
Është kryer arrestimi i Rigers Alisha 24 vjeç, banues në fshatin Turan, Korçë.
Detaje të Policisë së Korçës:
Specialistët e Sektorit të Hetimit në Drejtorinë Vendore të Kufirit dhe Migracionit Korçë, bënë kapjen dhe arrestimin në flagrancë të shtetasit :
Rigers Alisha, 24 vjeç, banues në fshatin Turan, Korçë.
Arrestimi i tij u bë pasi, në Qafën e Zvezdës në karrocerinë e mjetit kamion tip “Mercedes-Benz” me targë AA814CS, të cilin ky shtetas drejtonte, janë konstatuar nga shërbimet e Policisë, 6 bagëti të trasha të pa matrikulluara dhe pa dokumentacionin shoqërues, të cilat dyshohen se ky shtetas i ka kontrabanduar nga Maqedonia.
Materialet i kaluan Prokurorisë të Rrethit Gjyqësor Korçë, për veprën penale : “Kontrabanda me mallra të tjera” parashikuar nga neni 174 i Kodit Penal.
(XH.A/SHUPLAKA)
Discussion about this post