Pas protestës së sotme të opozitës kundër zgjedhjes së Kryeprokurorit të Përgjithshëm vetëm me votat e maxhorancës, policia ka njoftuar se 6 efektivë të policisë janë plagosur.
Gjithashtu në njoftim thuhet se po verifikohen personat që kanë ushtruar dhunë gjatë protestës.
“Gjatë protestës së sotme të opozitës të zhvilluar para Kuvendit të Shqipërisë janë lënduar dhe kanë marrë ndihmë mjekesore 6 punonjës policie, konkretisht:
O.M, V.T dhe M.A, efektiv policie te Forca e Posaçme ‘Shqiponja’.
N.K, E.X dhe D.B, efektivë policie të Komisariatit të Policisë nr 1, nga të cilët dy prej tyre femra.
Policia e Shtetit në bashkëpunim me Prokurorinë e Rrethit Gjyqësor Tiranë po vijon verifikimet për identifikimin e gjithë personave, të cilët kanë ushtruar dhunë gjatë protestës”, thuhet në njoftim.
Kujtojmë që efektivë policie kanë janë parë me aparatë në duar duke fotografuar protestuesit. (B.H/Faxweb)
