Kosova nuk do të mbyllë shkollat e Fethullah Gülen pavarësisht kërkesës së përsëritur të autoriteteve turke. Për më tepër flitet se mjaft zyrtarë të lartë kosovarë, ndër ta presidenti Hashim Thaçi, kryetari i Kuvendit Kadri Veseli, e disa ministria dhe deputetë kanë fëmijët në këtë shkollë.
Mësohet se është hera e gjashtë që Turqia me kërkesë të presidentit Erdogan shprehet për mbylljen e këtyre shkollave. Ky rrjet i shkollave në Kosovë është hapur nga fondacioni i GülenIT, kundërshtari i përbetuar i Erdoganit.
Sipas kosovares “Zëri”, anëtarë të Komisionit Parlamentar për Arsim i kanë bërë thirrje shtetit turk që të qërojë hesapet politike ndërmjet rrymave politike në territorin e saj dhe të mos përzihet në politikat arsimore të vendeve tjera. (XH.A/SHUPLAKA)
