Kreu i këshilltarëve të djathtë në bashkinë e Tiranës, Kreshnik Çollaku i ftuar në Fax News deklaroi se në mbledhjen e radhës çdo votim apo miratim që është marrë nga bashkia para vendimit të Gjykatës së Tiranës, nga korriku 2017, është i paligjshëm.
Ai u shpreh se Gjykata Administrative ka marrë vendim për 6 këshilltarë të majtë në Bashkinë e Tiranës, mandati i të cilëve ishte nul, në momentin e votimit të buxhetit të Bashkisë së Tiranës më 30 dhjetor dhe me të rritjen e çmimit të ujit.
“Nga korriku i vitit 2017 me një vendim i Gjykatës së Tiranës, ky është vendimi, 6 këshilltarë, janë 6 individë në këtë këshill me mandat të bërë nul nga Gjykata e Tiranës. Pra, praktikisht një maxhorancë e njëanshëm në këtë këshill nuk ekziston. Çdo votim që bazohet në këto 6 vota nuk është një votim i ligjshëm. Sepse është votim mbi mandate nul. Kështu ne që nga korriku i 2017 do të padism çdo vendim të marrë nga Këshilli Bashkiak. Do të ketë pasoja ekonomike,sepse janë vendime me pëshë finaciare.”
Çollaku u shpreh se nga sot shpallim një marrëdhënie me kusht në këtë këshill. Jemi këtu dhe do të jemi këtu për të votuar pa asnjë debat, pa asnjë kontestim çdo vendim që do të vijë nga kjo bashki lidhur me ndihmat ekonomike, njerëzit në nevojë dhe larg qoftë emergjencat humanitare.
(M.Q/Faxweb)
Discussion about this post