Vdekja e 20-vjeçares Anxhela Mecani në Itali ka tronditur jo pak familjarët e saj në Fier.
Duke folur për Fax News gjyshi i saj tregon momentin kur ka marrë lajmin, që ka qenë jo pak i dhimshëm për të. Ai tregon se Anxhela gjashtë muaj më parë ka humbur dhe të ëmën e saj, dhe në Itali ishte nisur me një djalë nga Fieri.
‘’Më merr dhëndërri në telefon, isha duke menduar për gjashtë muajt e çupës, dhe jo mbesën. Ai po qëante dhe më tha ‘’ma kanë vrarë Anxhelën në Itali”. Ça thua re Artan i tashë dhe mu shkëput telefoni, erdhën shokët dhe më dhanë një kafe sa mblodha veten. Për të bërë dokumentat Anxhela u martua me italianin që ishte pak në moshë të madhe”, tregon mes të tjerash gjyshi i Anxhelës.
Ai thotë se Anxhela u gllabërua nga burrat që ishte në makinë, dhe më pas është hedhur nga makina me plagë të shumta.
Fjala e fundit e Anxhelës në spital kishte qenë se ajo ishte hedhur vetë nga makina. ‘’Jam hedhur vetë nga makina”, iu kishte thënë mjekëve Anxhela.
Ai djali me të cilën iku Anxhela në Itali, sipas gjyshit e ka dashur shumë mbesën e tij. Ata kërkojnë ndihmë nga mediat dhe nga biznesmenët që të bëjnë të mundur kthimin e trupit të vajzës së tyre nga Italia.
Sipas mediave italiane Anxhela është shfrytëzuar si prostitutë në Itali, dhe kjo ka çuar drejt vrasjes së saj.
(E.K/FAXWEB.AL)
https://www.youtube.com/watch?v=zXUy6svpI3Y&feature=youtu.be
