Programi për Zhvillim i Kombeve të Bashkuara – UNDP në Shqipëri ka njoftuar përfundimin e investimeve të Programit “EU4Schools” / “BE për Shkollat” në Bashkinë Kamëz, një nga 11 bashkitë më të prekura nga tërmeti i 26 Nëntorit 2019. Ky program ka ndërhyrë për rindërtimin dhe riparimin e 6 objekteve arsimore që u dëmtuan nga tërmeti.
Objektet përfshijnë:
• Shkolla 9-vjeçare & Kopshti “Ibrahim Basha”, Bulçesh (riparim)
• Shkolla 9-vjeçare & Kopshti “Tahir Sinani”, Paskuqan (riparim)
• Çerdhja Nr. 4 “Pranverë”, Paskuqan (ndërtim nga e para)
• Shkolla 9-vjeçare “Dom Nikollë Kaçorri”, Laknas (riparim)
• Kopshti Nr. 8 “Luledielli”, Laknas (rindërtim)
• Kopshti Nr. 14 “Zarife Hasanaj”, Paskuqan (rindërtim)
Ky investim ka siguruar mjedise bashkëkohore për afro 2,100 nxënës, fëmijë dhe mësues, dhe ka përfituar gjithashtu 59,000 banorë të komuniteteve të prekura. Programi “EU4Schools” është financuar nga Bashkimi Evropian me 75 milion Euro dhe zbatohet nga UNDP në Shqipëri, në bashkëpunim me qeverinë shqiptare.
Deri tani, janë përfunduar 59 nga 63 shkolla në 11 bashki të prekura, duke përmirësuar jetën e mbi 25,000 nxënësve dhe mësuesve.
