Ish-kryeministri, Sali Berisha në një intervistë të dhënë për emisionin “Kjo Javë” të gazetares Nisida Tufa, përveç bojkotit të parlamentit, kritikave të Topallit, Selamit dhe Bregut, ka folur edhe për orët që i kushton gjumit. Por edhe kjo në kontekstin politik.
“Unë zakonisht bëj 6 orë dhe 6 orë mua më mjaftojnë. Mundet pak më shumë mundet pak më pak, por unë e kam kronike këtë, gjithmonë e kam patur. Po prit, 6 orë të miat janë të paktën sa 36 orë të Edi Ramës, të siguroj për këtë, sepse unë e kam pa ëndrra gjumin. Unë nuk kam ëndrra në gjumë. Unë bëj gjumin më të qetë që mund të ketë ndonjë njëri. Dhe gjumi i qetë ka një fuqi shlodhëse të jashtëzakonshme, sado që lodhesh një gjumë i qetë e ka fuqinë kalmante, indeksin kalmant e ka të pakrahasueshëm me gjumin ankcioz që bën njeriu, që kur nuk ka me të cilin të zihet zihet me veten e tij.”, është shprehur ai.
I pyetur nga gazetarja nëse bojkotimi zgjedhjeve e mundon edhe atë, njëlloj si kryeministrin, Berisha është përgjigjur duke kujtuar propozimin e Gramoz Ruçit.
“Pa padiskutim që jam për arritjen e një marrëveshje dhe e quaj plotësisht të mundshëm. Por Edi Rama dhe marrëveshja janë dy gjëra të kundërta. Një propozim bëri Gramozi dhe u detyrua pas tre minutave ta tërhiqte. Nuk do Edi Rama marrëveshje. Bëri Gramozi një propozim të arsyeshëm, që ç’është e vërteta që mund të conte në një marrëveshje, por jo jo, e kisha për zgjedhjet e ardhshme tha pastaj Rama.”, tha Berisha. (D.D/Shuplaka)
