Aktorja Laura Nezha ka treguar detaje edhe nga jeta e saj personale. Ajo ka rrëfyer se prej 6 vitesh është në një lidhje dashurie dhe ndihet e lumtur.
Laura ka qenë gjithmonë e kujdesshme për jetën private. Asnjëherë ajo nuk ka preferuar të jetë në qendër të vëmendjes për këtë pjesë dhe as të bëhet pjesë e titujve rozë.
“Ai nuk është pjesë e artit, profili i tij është tjetër gjë, ndaj edhe unë nuk kam dashur ta bëj publike marrëdhënien. Ai merret me biznes, nuk ka dëshirë të jetë personazh publik dhe unë e respektoj këtë gjë. Është dëshirë e të dyve, në fakt, nuk duam të jemi çift mediatik që përflitet. Ne kemi një lidhje shumë të qetë, sot bëjmë 6 vite. Duam ta mbajmë për vete dashurinë dhe lumturinë tonë”, tha Laura në “Rudina” në Tv Klan.
Aktualisht, çifti nuk jetojnë bashkë. Për momentin ata kanë marrë përsipër një biznes të ri, një studio mjekësore estetike që e menaxhojnë bashkë.
Për martesën Laura është shprehur kështu:“Unë nuk jam e variantit klasik, mbase kjo na ka bërë që të kuptohemi kaq mirë. Unë nuk e ëndërroj fustanin e bardhë, as dasmën. Ceremonitë nuk më emocionojnë më, më duket sikur është diçka që bëhet për show. Në këtë prizëm, e vlerësoj shumë më shumë privatësinë, sepse aty janë gjërat më të ngrohta”. (J.V/Shuplaka)
Discussion about this post