“E vetmja pendesë që nuk e qëlluam në shenjë”, 60 orë punë vullnetare për 8 studentët që goditën me vezë Ramën

Ditën e sotme është dhënë vendimi nga gjykata  për studentët që goditën me vezë kryeministrin Edi Rama vetëm pak muaj më parë. 

Vendimi u mor sot, pas disa seancave në ngarkim të studentëve të akuzuar. Gjykata pranoi pretencën e prokurorisë së Tiranës, e cila për 8 studentë të “Lëvizjes për Universitetin”, të cilët më 2 nëntor 2015, goditën me vezë kryeministrin Edi Rama gjatë protestave të zhvilluara në Tiranë kundër ligjit për arsimin e lartë. 

Në vendimin e saj gjykata ka dhënë 2 muaj burg për studentët, kjo e koventuar në 60 orë punë vullnetare. Sipas vendimit 8 studentët duhet të paraqiten te shërbimi i provës për të shlyer dënimin e tyre. “E vetmja pendesë që nuk e qëlluam në shenjë Edi Ramën”, u shprehën sutdentët gjatë seancës.

Klodi Hoxha, Bora Mema, Vitori  Cipi, Liri Kuci, Valton Marku, Durim Jasharaj, Dardan Konjufca. Anita Allushi janë studentët të cilët u dënuan me 60 orë punë vullnetare nga gjykata.  

(J.V/Shuplaka)