Në Peqin janë sekuestruar 64 kilogramë drogë dhe janë arrestuar 4 persona. Droga u gjet në automjetin tip BMW X5 që drejtohetj nga Asllan Muka.
Në prangat e policisë në sajë të operacionit ” TRANSPORTUESI”” kanë rënë Asllan Muka, Fidel Osma. A.Brace dhe H, Xhaholli.
DETAJE:
Sekuestrohen 65 kg lëndë narkotike e dyshuar Cannabis Sativa
Arrestohen në flagrancë katër shtetas
Në vijim të punës për goditjen e trafikimit apo shpërndarjes të lëndëve narkotike Specialistët e Sektorit Kundër Narkotikëve, në Drejtorinë Vendore të Policisë Elbasan, mbi bazën e informacioneve të marra në rrugë operative, finalizuan me sukses operacionin policor të koduar “TRANSPORTUESI” Si rezultat i këtij operacioni, u bë arrestimi në flagrancë i shtetasve: Asllan Muka, 38 vjeç banues në Shijak Fidel Osma, 23 vjeç banues në Durrës Amarildo Braçe, 29 vjeç banues në Durrës Mario Hoxholli, 23 vjeç banues në Durrës.
Arrestimi i tyre u bë pasi, gjatë kontrollit të ushtruar në automjetin BMW X5 me targa AA 006 KY drejtuar nga shtetasi Asllan Muka, në fshatin Lolaj të Njësisë Administrative Përparim të Bashkisë Peqin, u gjet dhe u sekuestrua një sasi e konsiderueshme lënde narkotike e dyshuar Cannabis Sativa. Nga veprimet hetimore paraprake të kryera nga Specialistët e Sektorit Kundër Narkotikëve rezulton se kjo vepër penale, dyshohet të jetë kryer në bashkëpunim nga shtetasit; Fidel Osma i cili ka qenë drejtues i automjetit me targa AA 101 MY, Asllan Muka, Amarildo Braçe dhe Mario Hoxholli Grupi hetimor sekuestroi në cilësinë e provës materiale: 65 kg lëndë narkotike e dyshuar “Cannabis Sativa” Dy automjetet 5 aparate celularë të markave të ndryshme 2670 Euro Materialet i kaluan Prokurorisë së Rrethit Gjyqësor Elbasan për veprime të mëtejshme për veprën penale “Prodhimi dhe shitja e narkotikëve” parashikuar nga neni 283/2 i Kodit Penal.
(J.V/Shuplaka)
Discussion about this post