Një total prej 65 gazetarësh u vra në mbarë botën gjatë vitit 2017, vit ky i regjistruar si më pak vdekjeprurëse për gazetarët në 14 vjet, sipas Reporterëve pa Kufij (RSF).
Në raportin e tij vjetor të botuar këtë të martë, mbikëqyrësi i medias me qendër në Francë vërejti një rënie të numrit të të vdekurve nga 79 gazetarë të vitit të kaluar të cilët janë vrarë.
Në numërimin e këtij viti, 39 u vranë dhe u qëlluan qëllimisht për shkak të raportimit të tyre, ndërsa 26 ishin viktima të konfliktit.
“Edhe pse kemi më pak gazetarë të vrarë, gjendja në terren nuk është përmirësuar, fatkeqësisht”, tha për Al Jazeera, Alexandra El Khazen, gazetarë në Lindjen e Mesme.
“Ne jemi ende shumë të shqetësuar, megjithëse shifrat janë më pak alarmuese se ato të vitit të kaluar”,
Për të gjashtin vit radhazi, Siria ishte vendi më vdekjeprurës për gazetarët me 12 të vrarë, të ndjekur nga afër nga Meksika në 11.
“Sfidat e mia më të mëdha duhej të ishin në terren sa herë që ndodhin sulme dhe të përpiqem të mbuloj sa më shumë që mundem,” tha për Al Jazeera, Zouhir Al Shimale, gazetar nga Aleppo.
Në raportin e Reporterëreve pa Kufij u tha se rënia e përgjithshme në numër mund të jetë rezultat i lobimit kundër qeverive nga OJQ-të dhe grupet e të drejtave.
“Është inkurajuese që fushatat kundër mosndëshkimit ndaj shtypit të kenë sukses”, tha Daoud Kuttab, një gazetar dhe kolumnist palestinez. “Ka ende shumë punë.”(M.Q/Faxweb)
Discussion about this post