Nga gjykata e Fierit është dhënë masa e sigurisë “Arrest me burg” për Mitat Stanin dhe për dy djemtë e tij, Arti Stanin dhe Përparim Stanin. Kjo masë është dhënë nga policias pasi në Roskovec policia iu gjeti 67.7 kilogramë canabbis sattiva.
DETAJE:
Nga ana e Sektorit për Hetimin e Narkotikëve dhe Trafiqeve në Drejtorinë Vendore të Policisë Fier, u bë i mundur finalizimi i operacionit të koduar “STAN” ku u arrestuan në flagrancë shtetasit: 1. Mitat Stani, 58 vjeç. 2. Përparim Stani, 30 vjeç. 3. Arti Stani, 28 vjeç, banues në fshatin Ngjeqar, Roskovec.
Pas informacioneve të marra më parë në rrugë operative se në ambientet e banesës së tyre shtetasit Mitat, Përparim dhe Arti Stani posedonin sasi lënde narkotike dhe po pregatiteshin për shitje e trafikim të saj, u shkua dhe u bë kontroll në këtë banesë.
Nga kontrolli i ushtruar në një serë perimesh e mbuluar me plasmas, pranë banesës së tyre, u gjendën të groposura 4 fuçi plastike të mëdha të mbushura me lëndë narkotike të dyshuar Cannabis Sativa. U sekuestrua në cilësinë e provës materiale lënda narkotike me peshë 67.7 kg.
Nga veprimet e para hetimore dyshohet se poseduesit e lëndës narkotike të dyshuar Cannabis Sattiva, po pregatiteshin që ta trafikonin jashtë vendit me destinacion Italinë. Materialet proceduriale i kaluan Prokurorisë pranë Gjykatës së Shkallës së Parë Fier për veprën penale “Prodhimi dhe shitja e narkotikëve”, parashikuar nga Neni 283/2 i Kodit Penal. (J.V/Shuplaka)
Discussion about this post