Samiti i Diasporës që pritet që të mbahet në datat 28 Shkurt deri në 2 Mars do ti kushtojë buxhetit të shtetit 66.972.800 milionë lekë të reja, një shifër kjo që është konsideruar mjaft e lartë nga ekspertë të eventeve. Në axhendën e këtij Samiti parashikohen udhëtime drejt Lezhës, si dhe dreka e darka për rreth 800 personat që janë të ftuar.
Ndërkohë që lidhur me këtë samit kanë refuzuar ftesën dy persona të njohur që janë alpinisti shqiptar që ngjiti majën e malit Everest Flori Haçkaj, si dhe pedagogu dhe shkrimtari Gazmend Kapllani.
Të dy ata e kanë konsideruar Samitin një farsë që nuk iu shërben shqiptarëve, ndërsa qeveria e përdor për të përfituar pikë nga qëndrimet nacionaliste. Për organizimin e këtij Samiti është caktuar një grup i posatshëm pune, i kryesuar nga zëvendëskryeministri dhe ministri i Diasporës Pandeli Majko.
“Në mbështetje të nenit 100 të Kushtetutës, të neneve 5 e 45, të ligjit nr.9936, datë 26.6.2008, “Për menaxhimin e sistemit buxhetor në Republikën e Shqipërisë”, të ndryshuar, dhe të ligjit nr.99/2018, “Për buxhetin e vitit 2019”, me propozimin e ministrit të Shtetit për Diasporën, V E N D O S I:
Drejtorisë së Shërbimeve qeveritare, në Buxhetin e vitit 2019, në zërin “Shërbime qeveritare”, i shtohet fondi prej 66 972 800 (gjashtëdhjetë e gjashtë milionë e nëntëqind e shtatëdhjetë e dy mijë e tetëqind) lekësh, brenda datës 31 janar 2019, për organizimin e Samitit të Dytë të Diasporës, që do të zhvillohet në datat 28 shkurt – 2 mars 2019 në Tiranë dhe Lezhë”, thuhet në vendimin e firmosur nga Edi Rama për caktimin e Buxhetit për këtë event.
Axhenda e Samitit treditor:
Nga do të jenë 800 pjesëmarrësit që janë pjesë e takimit:
- Gjermani 50 pjesëmarrës
- Francë 20 pjesëmarrës
- Itali 70 pjesëmarrës
- Turqia 40 pjesëmarrës
- SHBA 70 pjesëmarrës
- Belgjikë 40 pjesëmarrës
- Hollandë 15 pjesëmarrës
- Mbretëria e Bashkuar 60 pjesëmarrë
- Danimarka 30 pjesëmarrës
- Greqia 100 pjesëmarrës
- Spanja 10 pjesëmarës
- Austria 35 pjesëmarrës
- Finlanda 10 pjesëmarrës
- Suedia 25 pjesëmarrës
- Polonia 10 pjesëmarrës
- Republika Çeke 10 pjesëmarës
- Bullgaria 10 pjesëmarrës
- Rumania 20 pjesëmarrës
- Kroacia 20 pjesëmarrës
- Kanada 50 pjesëmarrës
- Australia 5 pjesëmarrës
- Ukrahina 10 pjesëmarrës
- Zvicra 30 pjesëmarrës
- Argjentina 5 pjesëmarrës
- Liban 5 pjesëmarrës
(E.K/FAXWEB.AL)
Discussion about this post