7 drejtorë të Ministrisë së Arsimit dhe Sporteve kanë kallëzuar penalisht ministren e Arsimit Mirela Karabina. Sipas tyre, Mirela Karabina ka penguar punën në Ministri dhe e ka kthyer institucionin në një ambjent stresues, ndaj e akuzojnë për “shpërdorim detyre”.
Në një deklaratë për mediet, drejtori i Sporteve, Vladimir Gjoni ka deklaruar se ka patur edhe raste dhune fizike ndaj punonjësve.
“E ka kthyer ministrinë e Arsimit në një stres të paparë. I kërkojmë Prokurorisë ta ndjekë me përparësi këtë çështje. Janë përmendur të gjitha në kallëzimin penal. Për dhunën ka raste. Një rast i pastër, kur është ndaluar sekretari i MAS nga dy punonjës siç i quan ajo por që s’janë as punonjës, që kanë ndaluar me forcë hyrjen e tij, derisa kanë shkatërruar edhe derën, kjo është skandaloze”, ishin fjalët e Gjonit. (D.D/Shuplaka)
