Ndërkohë që politikanët tanë gjatë vitit të fundit janë përqendruar vetëm te fushata dhe zgjedhjet e qershorit, problemet nuk u ndahen shqiptarëve.
“Nisma Thurrje” ka treguar përmes një videoje, historinë e shtatë familjeve të cilëve u është marrë prona padrejtësisht dhe kanë mbetur në mes të katër rrugëve. Për 7 ditë, familjarët kanë mbetur të ngujuar para prokurorisë për të kërkuar pronat e vjedhura nga mafia e ndërtimit.
“Një histori drithëruese shqiptare. 7 ditë të ngujuar para prokurorisë për të kërkuar pronat e vjedhura nga mafia e ndërtimit.
O Timonier, ku është drejtësia për këta njerëz???”, shkruan Nisma Thurje.
Një nga zotërinjtë e mbledhur përpara Prokurorisë tregon se si nisi problemi i 7 familjeve me pronën. Ndërsa ai flet, në sfond shihen një sërë burra e gra të ulur mbi batanije, madje edhe një fëmijë i vogël.
“Ne jemi këtu, jemi 7 familje. Kemi një problem shumë të madh. Në vitin 2007, kemi lidhur një kontratë për pronën tonë me një ndërtues, i quajtur Dritan Llanaj. Mbasi bëmë kontratën, në vitin 2013 zotëria në fjalë u paraqit në Komunën e Kasharit, mori një leje ndërtimi.
Pasi kërkuan përgjigje nga hipoteka, nëse ishte pronë e rregullt, hipoteka tha se çdo gjë ishte në rregull dhe dokumentacion të saktë.
Ramë dakord për X përfindje dhe ne e dhamë me 37% dhe zotëria me këto dokumenta e mori lejen e ndërtimit. Jemi 7 familje të një trungu familjar. Sa nxori lejen e ndërtimit ne kemi patur mjaft problem te prona jonë.Kemi pasur shumë problem, kemi vajtur te prona jonë por ai ka përdorur dhunë ndaj nesh, kemi përfunduar në polici. Kemi ngelur birucave për kaq kohë. Keni dëgjuar ju për mafian e ndërtimit? Ne tani po e shohim.
Këta janë një grup i strukturuar kriminal që vjedhin pronat e popullit.”, tregon një nga zotërinjtë. (D.D/Shuplaka)
Discussion about this post