7 fishëkë në një qese të tejdukshme i janë vendosur në pragun e derës së shtëpisë punonjësit të SHISH me inicialet Sh. N.
Policia njofton se ngjarja ka ndodhur një dite më parë, dhe qesja e dyshimte është pikasur në orët e mëngjesit. Menjëhere është njoftuar Policia e cila ka nisur hetimet për identifikimin dhe kapjen e autorëve.
Nuk dihet saktësisht nëse kjo është një shenjë kërcënimi për punonjësin e SHISH, apo qesja me fishekë është gjetur rastësisht aty, por po punohet për zbardhjen e ngjarjes.
Njoftimi i Policisë:
Më datë 28.05.2017, rreth orës 08:00, në rrugën “Jordan Misja”, në pragun e derës së apartamentit të shtetasit Sh. N., 47 vjeç, me detyrë specialist i Sh.I.Sh., është gjetur një qese e tejdukshme, ku brenda të cilës kishte 7 fishek, të cilat u sekuestruan në cilësinë e provës materaiale. Punohet për identifikimin dhe kapjen e autorëve. Parashikuar nga Nenet 84 dhe 278 të Kodit Penal. (E.K/SHUPLAKA)
