7 kongresmenë amerikanë kanë mbërritur në Tiranë. Pas takimit me Bujar Nishanin në vilën qeveritare në Bllok, kongrsmentët do të takojnë edhe krerë të tjerë të politikës shqiptare.
Në takimin me Nishanin ishin të pranishëm edhe ambasadori amerikan Donald Lu. Presidenti Nishani dhe kongresmenët amerikanë diskutuan dhe ndanë mendime e pikëpamje mbi çështje të ndryshme si: situata politike në Shqipëri, zgjedhjet e ardhshme parlamentare, ecuria e reformës në drejtësi, rëndësia e shtetit ligjor, shqetësimi për dukurinë e kanabisit dhe trafikut të drogës, krimit të organizuar si dhe rreth buxhetit financiar për shpenzime ushtarake dhe mbrojtjen, duke pasur parasysh që Shqipëria është vend anëtar i NATO-s dhe aleat besnik e i ngushtë i Shteteve të Bashkuara të Amerikës.
Delegacioni me 7 kongresmenët kryesohet nga Bob Goodlate, i cili është kryetar i Komisionit të Drejtësisë.
Pas Nishanit, delegacioni nga kongresi amerikan do të takojë kryetarin e Kuvendit Ilir Meta, njëkohësisht President i zgjedhur. (J.V/Shuplaka)
Discussion about this post