Donald Trump ka arritur të tërheqë jo pak vëmendjen e mediave europiane me vizitën e tij në Bruksel. Në kuadër të samitit të vendeve anëtare të Nato-s, Trump ishte së bashku me disa nga lidërët e tjerë europianë.
‘’Politico.eu’’ ka renditur 7 momentet më të ‘’tmerrshme’’ nga vizita e Trump në bruksel, duke e nisur nga shtrëngimet e duarve dhe deri te ‘’Le ta bëjmë NATO-n’’ të madhe sërish’’.
Ashtu siç pritej një nga temat kryesore që Trump ka diskutuar ka qenë në lidhje me kountributin financiar të të gjitha vendeve anëtare.
Po ashtu ajo që bie në sy nga takimet e Trump është ‘’dashuria’’ e tij për Presidentin e Ri të Francës Emanuele Macron. Mes tyre ka pasur dhe një takim të veçantë, ku janë diskutuar marrëdhëniet dypalëshe.
Po ashtu për tu evidentuar janë dhe akuzat e Theresa May ndaj Trump për rrjedhje informacionesh në lidhje me sulmin në Manchester ku u vranë 22 persona dhe u plagosën 119 të tjerë.
Më poshtë renditja:
1.Një natë e vetmuar në Bruksel.
Kjo për shkak se SHBA-të nuk kanë vendosur ende ambasadorë të rinj në Belgjikë, BE dhe NATO, e në këtë mënyrë godinat e ambasadave kanë qenë të lira.
2. Një Donald tjetër.
Donald Trump nuk ishte i vetmi me këtë emër. Bashkë me të gjendej në Bruksel dhe një tjetër, bëhet fjalë për Presidentin e Këshillit Evropian Donald Tusk.
3. Dashuria për Macronin.
Donald Trump uroi shumë Emmanuel Macron, presidentin e sapozgjedhur të Francës, “i cili zhvilloi një fushatë të pabesueshme dhe pati një fitore të jashtëzakonshme.” Më pas ata konsumuan dhe një darkë vetëm për vetëm.
4. Shtrëngimi i duarve
Për herë të parë, Trump nuk ishte ai që iu shtrënonte duart të tjerëve. Në dy raste të veçanta, presidenti amerikan u përpoq të lirohej nga zotërimi i Macronit, por francezi mbeti i vendosur.
5. Rrjedhja e informacioneve për sulmin në Manchester
Theresa May ishte ajo që sfidoi Trump, sipas saj kishin rrjedhur informacione në lidhje me sulmin në Manchester. “Unë jam duke i kërkuar Departamentit të Drejtësisë dhe agjencive të tjera përkatëse të fillojnë një rishikim të plotë të kësaj çështjeje, dhe nëse është e përshtatshme, fajtori duhet të ndiqet penalisht në masën më të plotë të ligjit”, u shpreh May.
6.Përshëndetja ‘’rastësore’’ me kryeministrin malazez
Në fakt më shumë sesa një përshëndetje u duk si një shtyrje për të dalë i pari në rradhë.
7. Bërja e NATO-s përsëri e madhe.
Trump e bëri të qartë se të gjithë vendet anëtare duhet të kountribojnë monetarisht njësoj.
“Unë kam qenë shumë, shumë i drejtpërdrejtë me sekretarin Stoltenberg dhe anëtarët e aleancës duke thënë se anëtarët e NATO-s duhet më në fund të kontribuojnë në pjesën e tyre të drejtë dhe të përmbushin detyrimet e tyre financiare, për 23 nga 28 vendet anëtare ende nuk paguajnë atë që duhet të paguajnë’’, deklaroi Trump. (E.K/SHUPLAKA)
Discussion about this post