Policia e Kosovës tha se ka arrestuar, të shtunën, shtatë persona në rajone të ndryshme të Kosovës, përfshirë Prishtinën, Mitrovicën dhe Ferizajin, me dyshimin se kanë kryer vepra, siç thuhet, “të terrorizmit dhe kundër rendit kushtetues dhe sigurisë së Kosovës”.
“Operacioni është kryer nga drejtoria Kundër terrorizmit në bashkëpunim me Prokurorinë Speciale të Kosovës dhe në mbështetje nga njësitë e tjera të specializuara të Policisë së Kosovës”, thuhet në një deklaratë të Policisë.
Zëdhënësi i Policisë së Kosovës, Baki Kelani, ka thënë se në bazë të vlerësimeve nga Policia e Kosovës, situata e sigurisë konsiderohet e qetë.
“Personat e arrestuar tani janë në organet e drejtësisë. Kosova konsiderohet se është një vend i qetë, por kuptohet ndonjëherë me disa incidente që ndodhin”, ka thënë Kelani./ tvklan.al