Kampioni i ri i Europës në hedhjet për së gjati, Izmir smajlaj zbulon se sa paguhet ai në të vërtetë. Ndryshe nga sa mendohet se fiton një atlet profesionist si smajlaj, ai paguhet vetëm 400 mijë lekë të vjetra në muaj. Po po 400 mijë lekë të vjetra.
Të paktën kështu deklaroi Smajlaj në një intervistë me Blendi Fevziun në studion e emisionit “Opinion”. Madje edhe pse është shpallur shtat herë kampion kombëtar, ai është paguar vetëm 300 mijë lekë të vjetra në muaj.
Atleti që i siguroi Shqipërisë medaljen e artë në kampionatin Europian, tregon se ashtu si ai paguhen edhe sportistë të tjerë të atletikës.
Izmir Smajlaj u shpall kampion Europe në hedhje për së gjati në salla të mbyllura, në garat e zhvilluara në Beograd.
Atleti që i siguroi shqipërisë medaljen e Artë, realizoi një hedhje të parë 7,81 metra, poshtë pritshmërisë dhe aftësive të tij. Megjithatë ai nuk u dorëzua dhe në hedhjen e dytë realizoi gjatësinë 8,02 metra, një rekord i ri kombëtar, duke thyer atë që kishte vendosur vetëm pak ditë më parë. Në provën e tretë bëri një faull, ndërsa në të katërtën nuk realizoi një hedhje të plotë. Kjo sepse ai rrëshqiti në vendin e tretë në klasifikimin e përgjithshëm, i kaluar edhe nga ukrainasi Nikiforov.
Më pas në hedhjen e pestë Smajlaj kreu sërish faull, por në hedhjen e fundit dhuroi hedhjen perfekte, 8,8 metra. Kështu ai realizoi rekordin e ri kombëtar dhe u shpall Kampion Europe. (D.D/Shuplaka)
