Kryeministri Edi Rama u sugjeroi mediave që të bëjnë sondazhe sikurse veprohet nga mediat në vende të ndryshme të botës.
Sipas kryeministrit, mbi 70% e shqiptarëve nuk duan shtyrje në zgjedhje, ndërsa 15% e demokratëve e shohin këtë qëndrim të opozitës si marrëzi.
“Unë nuk akuzoj Partinë Demokratike që është bërë mashë e atyre që qëndrojnë mbrapa krizave në rajon, por mund të bëhesh mashë me ose pa vetëdije. Që PD ka një problem me vetëdijen këtë e tregon edhe strategjia që përdori për të ardhur deri këtu. Port a përdorë kur nuk ka arsye gjeopolitike, kjo është diçka që unë nuk e toleroj kurrë.
Destabilizim në Shqipëri nuk ka për të pasur. Ne bëjmë sondazhet, edhe PD, mediat nuk bëjnë siç bëhet në cdo vend në botë. Bëni sondazhe, e do shikoni se mbi 70% e shqiptarëve nuk duan shtyrje të datës së zgjedhjeve.
Të shikoni sot a është e vërtetë që PS është më lart se në 2013-ën apo jo, a është e vërtetë që PD është më poshtë. A është e vërtetë që 15% e PD deklarojnë se nuk shkojnë mbrapa, nuk janë dakord me këtë marrëzi.
Më vjen keq, por dikush duhet të paguajë koston. Propaganda është propagandë, retorika është retorikë.
Retorika e tyre është e patolerueshme, e nivelit më të ulët. Ju ja keni dhënë këtë status, ne ia kemi dhënë këtë status. Me opozitë pa opozitë, mos u bëni analistë. Është liria që prodhon opozitën, jo Partia Demokratike. Të jeni të sigurtë që opozitë në Shqipëri do ketë gjithmonë sa kohë do ketë demokraci.”
(XH.A/SHUPLAKA)
