Prej mbrëmjes së djeshme në të gjithë vendin ka nisur një operacion antikanabis.
Pas sekuestrimit të rreth 700 kilogramëve drogë në Kavajë policia ka mundur të sekuestrojë një skaf 15 metra të gjatë, një furoistradë dhe një zetor në afërsi të përroit të Forsilukut në Karpen. Me skafin dyshohet se trafikantët e drogës do të dërgonin drogën në Itali.
Aksioni ka nisur rreth orës 01:00 të mëngjesit të sotëm në fshatin Bago të Kavajës.
Mësohet se policia është vënë në ndjekje në rrugën që të çon drejt “Plazhit të gjeneralit”, një furgon dhe në një makinë tip fuoristradë plot me drogë.
Me të pikasur policinë, drejtuesit e mjeteve dhe shoqëruesit janë larguar. Policia që kishte ngritur prita në të gjithë zonën, në një vend tjetër ka ndaluar 4 persona. Dyshimet e para janë që droga ka ardhur nga një rreth tjetër, me qëllim që të shkonte drejt “Plazhit të Gjeneralit” dhe më pas të transportohej me mjete lundruese drejt Italisë. Operacioni është në zhvillim e sipër për kapjen e personave të tjerë të përfshirë në këtë trafik të drogës.
(E.K/SHUPLAKA)
