Autoritetet italiane kanë mundur të shkatërrojnë rrjetin e trafikantëve që tentuan të futnin 75 kilogramë kokainë në Itali. nga porti i Genovas.
Në prangat e Guardia di Finanza kanë përfundur 5 persona, 3 italianë dhe 2 shqiptarë. Mësohet se janë arrestuar shqiptarët Nik Dauti, alias “Besnik”, 38 – vjeç dhe Artur Mahmutaj, 38 – vjeç, si dhe italianët, Carmelo Rao, 59 – vjeç, Roberto Piano 52 – vjeç dhe Massimo Rocca 45 – vjeç.
Sipas hetimeve, dy shqiptarët ishin kokat e kësaj bande, ndërsa Rao kishte rolin e bashkëpunëtorit. Rocca dhe Riano kishin rolin e shpërndarësve në pikat më të rëndësishme të këtij rrjeti.
Nga përgjimet e publikuara italiane kanë dalë se Mahmutaj informonte pjestarët e tjerë të drogës për kalimin në port duke i shpejguar procesin aty.
Por kush është Artur Mahmutaj?
Artur Mahmutaj ka mbajtur postin e Nëndrejtorit të Hekurudhës shqiptare. Mahmutaj rezulton i liruar nga Gjykata e Durrësit në datën 3 mars 2016, ndërsa rezultonte i arrestuar në 10 janar të këtij viti nën akuzën e veprës penale “Prodhim dhe shitje e narkotikëve.”
Ai u mbajt në paraburgim për 3 muaj, pas zbulimit të një laboratori modern droge në një magazinë të kultivimit të lëndëve narkotike, në shtator të vitit 2015. Mahmutaj u shpall në atë kohë në kërkim nga policia, por arrestimi i tij u bë i mundur në janar të një viti më pas.
Por pas arrestimit të 35-vjecarit, gjykatësja Anita Mici pranoi kërkesën e tij për ndryshim të masës së sigurisë nga arrest në burg në detyrim paraqitje, e arsyetuar se ai nuk përbënte rrezik. (J.V/Faxweb)
