Ish-deputeti demokrat Luçiano Boçi thotë se Presidenti nuk mund të mbrojë zhvillimin e zgjedhjeve në 30 qershor.
Më herët Rama me anë të një statusi në Twitter i kërkoi Metës që të mbronte zgjedhjet e 30 qershorit
Boçi thekson se përveç qytetarëve Rama ka kundër edhe kodin zgjedhor, duke listuar disa arsye.
Reagimi i Boçit në Facebook
PSE PRESIDENTI NUK MUND TA MBROJË 30 QERSHORIN E RAMËS?
Rama i kërkon Metës që ky i fundit të mos sulmojë Reformën me anë të së cilës Rama e ka lënë vendin pa Gjykatë Kushtetuese, por të mbrojë 30 qershorin e dekretuar.
Të mbrojë pra të pambrojtshmen: turpin zgjedhor që po përgatit Rama.
Rama nuk po e kupton ende që ka kundër jo vetëm qytetarët, jo vetëm opozitën, por dhe vetë Kodin Zgjedhor.
Neni 166 i Kodit e përcakton qartë se garë me një kandidat nuk mund të ketë, sepse nuk mund të përllogaritet fituesi.
Kodi nuk parashikon garë me një kandidat.
Zgjedhje pa opozitë nuk mund të ketë thotë Kodi.
Fituesi është produkt i votave pro krahasimisht me votat kundër, ose më saktë i votave të tjera pro që merr kundërshtari.
Mbrojtja e vetme për Ramën mund të ishte një interpretim nga Gjykata Kushtetuese.
Presidenti është shumë i qartë.
Për ironi të fatit Ramës po i kthehet në bumerang pengimi i ngritjes së Gjykatës Kushtetuese.
E ka humbur toruan nga paniku.
Edhe kur i japin “këshilla” fillon e bërtet.
25 Maji është shumë afër, prandaj!!!!!
Statusi i Ramës në Twitter
“A e pengon mungesa e Gjykatës Kushtetuese Presidentin e Republikës të mbrojë datën e zgjedhjeve që sipas Kushtetutës ai e ka dekretuar? Falë Vetingut GJK është sot një djep bosh pa shejtanin brenda! Kjo është më shumë se gjysma e një pune të madhe që kërkon durimin e kohën e saj.”
“Padiskutim Presidenti ka të drejtë kur thotë djegia e mandateve është e papranueshme po dhe më i papranueshëm është përbetimi për të djegur zgjedhjet! S’e dimë opinionin e Presidentit për këtë dhe bashkë me kritikat e tij,mezi e presim apelin e vonuar në mbrojtje të 30 qershorit?”, shkruante Rama.
