7 prillin e këtij viti bëhen plot 78 vite nga pushtimi fashist i Shqipërisë. Kjo është një datë e rëndësishme në jetën e kombit shqiptar, që ka luajtur një rol të rëndësishëm në vitet pas çlirimit të vendit.
Fashistët e gjetën Shqipërinë në gjendje të rëndë ekonomike, me një rini të turbullt, kështu me veglat e saj, Italia fashiste i shtypi dhe i internoi shqiptarët. Nën shenjën e ndihmave që Italia si shtet i jepte Shqipërisë si vend i vogël, iu hap rruga trazirave e përmbysjes së gjithanshme për shqiptarët.
Sot, bëhen 78 vite nga pushtimi tek “oazi” që gjejnë italianët tek vendi i tyre fqinj. Me marrëdhënie diplomatike relativisht të mira, Shqipëria dhe Italia janë dy vende fqinje mike. Italianët e zgjedhin fqinjën e tyre për investime dhe pushime, ku i pret një forcë punëtore jokërkuese dhe turizmi që sado lë për të dëshiruar me çmimet e larta, nuk përbën problem për xhepin e tyre.
Kohërat kanë ndryshuar, e në jetën e kombit shqiptar, 7 prilli mbetet një datë, por Shqipëria ende nuk ka ndryshuar shumë nga ç’ka qenë duke u karakterizuar vazhdimisht nga ekonomia e çalë, rinia e turbullt e hardallisur, e situata plot tension për vendin.
(XH.A/SHUPLAKA)
Discussion about this post