Deputetja e Partisë Demokratike Albana Vokshi, ka reaguar pas letrës publike të mjekut Diamant Kuka për kryeministrin Rama, ku denonconte korrupsionin në shëndetësi.
Vokshi e cila ka shpërndarë letrën e mjekut shkruan se se pas gjithë kësaj, viktimë e vetme mbetet qytetari.
“Kjo eshte Shendetesia Falas e Rama-Beqja…qe per fat te keq do vazhdoje te rrenohet edhe ne vitet ne vijim…
15-25 mije Euro per nje vend pune ne shendetesi…
Sa vite I duhet nje mjeku t’i nxjerre keto para???
E ne cepin fundor te “te berit SHTET”…viktima me e madhe mbetet…qytetari!!
Mjeket i cojne haber kryeministrit.*”, shkruan deputetja.
Kujtojmë se në letrën e hapur, mjeku Kuka tregonte se si ai, kolegë dhe miq të tij kanë vuajtur pasojat e administratës së korruptuar të deritanishme të fushës së mjekësisë. Shifrat për një vend pune në spitalet publike në Shqipëri, shkonin nga 8-25 mijë euro në letrën e Kukës.
Mjeku shkruan se si shefi i kabinetit të ish-ministrit të Shëndetësisë Ilir Beqaj, Artur Lama i ka kërkuar 15 mijë euro për një vend pune në QSUT, ofertë e refuzuar nga ai. Kuka thekson se nuk i ka paguar paratë, por në vend të kësaj është zhvendosur në Britani dhe e ushtron atje profesionin e tij.
“Mua mu kerkua per nje vend pune ne QSUT 15 mije euro nga ish shefi i kabinetit (Artur Lama) te ministrit te shendetesise, se bashku me kryhajdutin I. Beqaj. Kisha fut miq edhe dy deputet te PS, qe jane edhe sot te rizgjedhur, dhe nuk munden ti mbushin mendjen Ilir Beqaj se une isha mjek i mire (kish rastis tu sherbeja familjareve te ketyre deputeteve), por Beqaj donte eurot vella. Nuk pagova, ika emigrova dhe tash punoj ne UK.”, shkruante Kuka. (D.D/Shuplaka)
Discussion about this post