Ditën e djeshme në seancën e jashtëzakonshme të Kuvendit u vendos shtyrja e komisioneve të Vettingut. Mungesa e opozitës ishte njëri nga faktorët, ndërkohë nga ana tjetër dhe kandidatët e propozuar nga ‘’Avokati i Popullit’’ kishin probleme.
8 prej tyre morën rekomandim negative nga OMN, dhe ajo pyetje që mund të lindë për shumë persona është se kush i futi këta persona në lista. Cili është interesi që në komisonet e Vettingut që do të hetojnë figurën e gjyqtarëve të ketë dhe persona me të shkuar të zezë.
Gazetari Denis Minga i cili në të shkuarën e tij ka punuar dhe pranë zyrës së Avokatit të Popullit ka një sqarim më të gjatë përsa i përket këtij fenomeni.
‘’Avokati i Popullit kishte përzgjedhur 29 persona si të përshtatshëm për të qenë pjesë e komisioneve të vetitngut por ONM i rrëzoi 8 prej tyre duke dhënë rekomandimin negativ , pra duke i futur tek lista e zezë.
Duke ditur se komisioni i parë i Vettingut ka vetëm 6 anetarë , praktikisht dhe hipotetikisht nëse do të bazoheshim vetem tek përzgjedhja e Avokatit te popullit rrezikonim të kishim te gjithe komisionin me te Zinj… Ja pse duhet ONM dhe ja pse ONM është garancia e kësaj reforme përballë politikës dhe përballë Avokatit të Popullit i cili nga ana e tij duhet të na sqaroje kush janë 8 të zinjtë që futi në listën e të përshtashmëve dhe mbi ccfarë kriteresh bëri pranimin e tyre… ndërsa përjashtoi 79 kandidatë të denjë për gjëra fare të vogla ( për vërtetim gjuhe angleze psh pavarësisht se vinin nga shkollat perëndimore )
Avokati i popullit duhet të na tregoje se si ka mundesi qe nuk u tregua rigoroz dhe lejoi 8 kandidate te zinj te futeshin ne listen e paster. Qe Totozani nuk eshte Avokati i Popullit kjo dihet prej kohesh por se Avokati i kujt eshte tani kjo mbetet per te zbuluar ??? Mos valle po kerkon te “bleje politikisht” mandatin e dyte me listat e vettingut ??? Ndaj duhet dhene mbeshtetja maksimale per ONM si e vetmja garanci per te monitoruar kete proces jetik per qytetaret e thjeshte..’’, shkruan Minga. (E.K/SHUPLAKA)
