Zvicra ka vazhduar sot ecurinë e saj perfektë në kualifikueset e Botërorit, duke regjistruar fitoren e 8 në po aq ndeshje të luajtura deri tani.
Por për skuadrën e Vladimir Petkoviç, 24 pikët nuk japin garancinë se do të fitojë një biletë matematikisht për pjesëmarrjen në turne
Zviceranët fituan sot 3-0 në Letoni, falë golave të Seferoviç, Xhemajlit dhe Rodriguez. Por fati i tyre mbetet përsëri për t’u vendosur në dy ndeshjet e fundit, falë ecurisë me të cilën Portugalia po i ndjek hap pas hapi.
Kampionët e Europës janë tre pikë pas tyre kur mbeten edhe dy ndeshje nga fundit, vetëm falë fitores 1-0 në Hungari.
Golin e ndeshjes e shënoi Andre Silva, me Ronaldon që prodhoi asistin në aksionin që vendosi fatin e takimit dhe mban hapur kualifikueset.
GRUPI B:
Ishujt Faroe-Andorra 1-0
Hungari-Portugali 0-1
Letoni-Zvicër 0-3
