80 familje në Vlorë, prej 10 ditësh vuajnë mungesën e ujit të pijshëm

Qytetarët e Vlorës prej më shumë se 10 ditësh vuajnë nga mungesa e ujit të pijshëm.

Sipas banorëve të lagjes “24 Maji”, kjo situatë është krijuar për shkak të dëmtimit të rrjetit kryesor të ujësjellësit, si pasojë e ngricave.

Mësohet se Rrjeti Ujësjellës dhe i Kanalizimeve në Vlorë  ka ndërhyrë dy herë, por situate mbetet e njëjtë. Rreth 80 familje presin ende ardhjen e ujit.

“Prisnim ujin me padurim, por nuk ndodhi. Jemi larë me kova.”, tregon një nga banorët për “Ora News”.

Për shkak të temperaturave të ulëta dhe ngricave të këtij muaji, në qytetin e Vlorës për ditë me radhë u krijuan probleme në të gjithë rrjetin e ujësjellësit.Ky problem u rregullua në të gjithë qytetin, por jo në lagjen “24 Maji”. (D.D/Shuplaka)