Tirana përkujton sot 80-vjetorin e Çlirimit nga pushtuesit nazi-fashistë. Sekretari i Përgjithshëm i Partisë së Lirisë, Tedi Blushi vendosi kurora me lule, tek “Ushtari i Panjohur” në nderim të 80-vjetorit të Çlirimit të Tiranës.
Në një prononcim për mediat Blushi tha se me krenari të ligjshme, me mirënjohje dhe nderimin me te thellë, po kujtojmë sot një nga ngjarjet më të mëdha të luftës Antifashiste Nacional-Çlirimtare, 80- vjetorin e Çlirimit të Tiranës.
Blushi theksoi se sot është edhe një ditë reflektimi, në veçanti për të rinjtë dhe të rejat e Tiranës dhe të mbarë vendit, për të marrë në dorë fatet e tyre me përgjegjësi, me më shumë angazhim, për ti rikthyer Tiranës lirinë e marrë peng nga uzurpatorët dhe kolonizatorët e këtij qyteti.
“Mirënjohje dhe nderim për gjakun e derdhur për çlirimin e Tiranës, mirënjohje për sakrificat e popullit të Tiranës, që 80- vite më parë i kthyen shtëpitë, i kthyen barrikadat në fortesa të pathyeshme në luftën kundër pushtuesit Nazi-Fashist”- tha Blushi.
