Të veshësh rroba të përdorura në vendin tonë, jo vetëm që do të shihesh si i dalë mode, por edhe do të paragjykojnë.
Po nuk ndodh njësoj me vajzat e një familjeje amerikane, katër prej të cilave në një periudhë kohe prej 85 vitesh kanë veshur të njëjtin fustan martesor. Një material i mëndafshtë që u ka rezistuar më së miri viteve.
E gjitha filloi me Maria Teresa Moreno – e njohur nga të afërmit e saj si “Grande” – i cili e bëri fustanin përpara martesës së saj në vitin 1932.
Që atëherë, fustan me mëngë të gjata ka kaluar nëpër breza të grave – mbesa e Grande, Marta Prietto O’Hara, e veshi atë në martesën e saj më 1983.
Më pas kjo është ndjekur nga Elena Salinas, mbesa e Grande dhe motra e vogël e Martës, në vitin 1997.
Dhe më së fundi, nga Pilar O’Hara Kassouf, mbesa e madhe e Grande, në shtator 2017. Pilar O’Hara Kassouf, vajza e Marta, mbante veshjen e dasmës së gjyshes së saj.
Marta, e cila jeton në Tustin, Kaliforni, i tha ‘’Huffington Post” në një intervistë se fakti që ajo dhe vajza e saj Pilar kishin veshur një fustan me një histori kaq të pasur familjare ishte një përvojë “përtej fjalëve”.
“Ishte një lidhje e tillë me gjyshen time, me të cilën isha shumë afër”, tha Marta për Grande, e cila vdiq në vitin 2009. “Ajo ishte gjithashtu ndrikulla ime dhe ajo jetonte afër meje kështu që e pashë gjithë kohën. Dhe ajo jetoi në moshën 98 vjeçare. Kështu që fëmijët e mi u rritën duke e njohur gjyshen e tyre.”
Marta vazhdoi: “Gjyshja ime do të ishte aq e emocionuar sa të kuptonte se njëra nga nipërit e mbesat e saj dëshironte të veshte fustanin e saj. Unë mendoj se ajo do të jetë shumë e prekur. Kjo e ka mbushur zemrën time dhe më bën të lumtur”.
Po duket se historia do të vazhdojë dhe se dëshirën për ta veshur këtë fustan e kanë shprehur dhe vajza të tjera të kësaj familje të madhe.
(E.K/Faxweb)
