Amarda Toska ka qenë e ftuara e Rovena Dilos në emision “Fol me mua” në Fax News, në një bisedë që ka rrjedhur këndshëm, ku ka treguar se së bashku me një grup miqsh, për 9 ditë me radhë kanë mbajtur një regjim detoksi.
Ajo tregon se ata janë vendosur në një resort në zonën e Dajtit, dhe për 9 ditë me radhë po ndjekin një regjim që përbëhet kryesisht nga lëngje, gjë e cila mundëson nxjerrjen e toksinave jashtë trupit. Në krye të grupit qëndron Ermali, i cili kujdeset dhe për realizimin e recetave.
“Kemi filluar një regjim detoksi 9 ditor. E kemi marrë këtë nismë për ti shërbyer trupit tonë, jemi shpërngulur në një resort këtu në zonën e Dajtit, qëllimi kryesor është të pastrojmë trupin aq më shumë që jemi pas pushimeve. Të paktën 9 ditë në vit ta bëjmë këtë ritual.
Bukuria nis së brendshmi, është shumë i mirë për pastrimin e mëlçisë dhe të zorrve, ka shumë mbetje që nuk dalin jashtë trupit tonë, dhe është gjëja më e mirë që po i bëjmë vetes. Ermali ishte iniciatori i mbledhjes së të gjithë njerëzve, kalon goxha kohë në kuzhinë, dhe i përgatit vetë shumicën e recetave, trendi për ti shërbyer vetes. Ky është regjim intesiv, ajo që di është se është një dietë e konsultuar.
Ne i kemi gjetur të gjithë ingredientët, një pjesë i kemi marrë dhe nga jashtë, dhe Ermali është bërë edhe shefi i kuzhinës. Është një eksperiencë 9 ditore, sot është dita e 5-të, dhe ndihem shumë e lehtë. Gjithçka është me lëngje, pjesa tjetër e ditës është e përbërë nga aktivitete që lidhen me sporte me tema të ndryshme“, tha Toska.
Amarda tregoi se është shumë e rëndësishme kujdesi ndaj vetes dhe trupit, i cili mban një ngarkesë të vazhdueshme, dhe herë pas here ka nevojë për një pastrim.
Discussion about this post