Ditën e sotme është zhvilluar një operacion i rëndësishëm dhe në prangat e policisë kanë rëndë 6 persona, të gjashtë bizesmenë. Po kështu janë shpallur në kërkim edhe 5 të tjerë. Të 11 biznesmenët akuzohen se i kanë shkaktuar shtetit një dëm prej 9 milionë dollarë.
Gjykata e Tiranës me kërkesë të prokurorit Ndini Tavani ka vendosur 11 masa arresti në mungesë, 6 prej të cilave janë ekzekutuar nga policia e Tiranës. Nën hetim janë vendosur dhjetëra subjekte që dyshohet se kanë falsifikuar faturat e TVSH-së. Të gjithë janë biznesmenë dhe ky operacion për kapjen e tyre ka nisur disa muaj më parë. Të 11 biznesmenët akuzohen për ‘Skemë mashtrimi’ dhe ndaj tyre rëndon akuza ‘Fshehje e të ardhurave’.
Sipas “Fax News” në prangat e policisë kanë rënë: Shkëlqim Hasani, Nevruz Lami, Bujar Murtaj, Ruxhdi Murataj, Dhimitraq Çelo dhe Indrit Sulaj. Në kërkim janë shpallur personat me iniciale: B.GJ, M.M, A.B, S.K, E.SH.
(J.V/Faxweb)
