Në letrën e urimit për 9-vjetorin e pavarësisë së Kosovës, Sekretari amerikan i Shtetit, Rex Tillerson, ka shprehur vlerësimin e presidentit Donald Trump, miqësinë mes shteteve dhe disa prej arritjeve të Kosovës.
“Në emër të Presidentit Donald Trump dhe popullit amerikan, është kënaqësi e imja t’i uroj qytetarët e Kosovës për vitin e nëntë të pavarësisë që e festoni më 17 shkurt.
Shtetet e Bashkuara vlerësojnë miqësinë me Kosovën, të bazuar në aspirata të përbashkëta për stabilitet, paqe dhe prosperitet për të gjithë qytetarët tanë.”, fillon e vijon letra ku shprehen vlerësimet.
Më tej, Tillerson përmend ndër sukseset e Kosovës, medaljen e artë olimpike e Majlinda Kelmendit dhe ndeshja e parë e përfaqësueses kosovare si anëtare e FIFA-s.
“Shtetet e Bashkuara mbesin të përkushtuara për të ndihmuar Kosovën drejt suksesit, dhe do të vazhdojmë të punojmë me liderët dhe popullin e saj për paqe dhe prosperitet”, përfundon urimin e tij sekretari amerikan i Shteti. (XH.A/SHUPLAKA)
Discussion about this post