Policia e Librazhdit ka proceduar në gjendje të lirë kryeplakun e fshatit Ballgjin R.C., për veprtën penale “Shpërdorim i detyrës” pasi në fshatin e tij janë gjetur 90 kubikë të mbjellë me bimë narkotike.
Ndërkohë që sipas njoftimit, ende nuk janë identifikuar autorët që kanë mbjellë bimët narkotike dhe po vijon puna për dokumentimin e aktivitetit criminal.
Njoftimi i plotë:
Në vijim të kontrollit të pandërprerë të territorit, për parandalimin, evidentimin dhe goditjen e veprimtarisë kriminale në fushën e kultivinit të bimëve narkotike, Shërbimet e Komisariatit Librazhd kanë ushtruar kontroll në një zonë të pyllëzuar të fshatit Ballgjin të Librazhdit , ku gjatë kontrollit gjetën dhe sekuestruan rreth 90 kubikë ku ishin kultivuar fara kanabis.
Në përfundim të veprimeve u proçedua në gjendje të lirë kryeplaku i fshatit Ballgjin shtetasi R.C., për veprën penale “Shpërdorimi i detyrës”
Vijon puna intensive për indentifikimin dhe kapjen e autorëve si dhe dokumentimin e plotë të këtij aktiviteti kriminal.
Materialet hetimore i kaluan Prokurorisë pranë Gjykatës së Shkallës Parë Elbasan për veprimet e mëtejshme.
