930 fidanë bimë narkotike në parcelën me 2450 gropa, arrestohen 3 pjesëtarët e një familje, procedohen kryeplaku dhe drejtori i mjedisit

Tre persona janë vënë në pranga dhe dy të tjerë janë proçeduar penalisht pas gjetjes dhe sekuestrimit të 930 fidanëve bimë narkotike që u gjetën në afërsi të parcelës me 2450 gropa të hapura.

Janë arrestuar tri të rinj nga e njëjta familje dhe ka nisur procedimi penal ndaj kryeplakut të fshatit Gërnac dhe drejtorit të mjedisit në Kurbin.

Droga u gjet gjatë operacionit “Befasia” në fshatin Gërnac , në vendin e quajtur “Livadhet e Gërnaces”.

Detaje të policisë:

Finalizohet operacioni “Befasia”. Asgjësohen 930 fidanë bimë narkotike Cannabis –Sattiva. Arrestohen në flagrangë 3 shtetas të dyshuar si autor të kultivimit si dhe proçedohen penalisht në gjendje të lire.

Kryeplaku i Fshatit dhe Drejtori i Mjedisit Më datë 08.06.2017, në vijim të planit për goditjen e kultivimit të bimëve narkotike, u ushtrua kontroll territori dhe në Kurbin, në fshatin Gërnac , në vendin e quajtur “Livadhet e Gërnaces” , u konstatuan 2450 gropa të hapura dhe pranë kësaj parcele u gjetën 62 kutia polisteroli me nga 40 kubikë secila , ku rezultonin të mbira në këto kubikë 930 fidanë bimë narkotike Cannabis – Sattiva me lartësi 1-2 cm të cilat u asgjësuan.

Në vijim të veprimeve hetimore , u arrestuan në flagrancë shtetasit:

-Xhaferr Lika, 29 vjeç, banues në Kurbin

– Elez Lika, 25 vjeç, banues në Kurbin

– Gazmir Lika, 26 vjeç, banues në Kurbin

Vepra penale në ngarkim të tyre “Kultivim i bimëve narkotike” kryer në bashkëpunim parashikuar nga neni 284-25 të Kodit Penal.

Gjithashtu u proceduan penalisht në gjendje të lirë shtetasit:

 -S. S. 39 vjeç, banues në Kurbin me detyrë Kryeplak i fshatit Gërnac

– N.M. 65 vjeç, banues në Kurbin , me detyrë Drejtor Mjedisi

Vepra penale në ngarkim të tyre “Shpërdorim detyre” parashikuar nga neni 248 i Kodit Penal. Materialet proceduriale iu referuan Prokurorisë së Rrethit Gjyqësor Kurbin për veprime të mëtejshme.

(XH.A/SHUPLAKA)

[ngg_images source=”galleries” container_ids=”2078″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]