Ministrja e Mbrotjes Mimi Kodheli gjatë ditës së sotme ishte në Klos për 94-vjetorin e themelimit të repartit të Xhenios.
Kodhelli inspektoi punimet e kryera nga forcat xheniere në një segment rruge i cili që prej shirave të nëntorit, kishte lënë pothuajse të izoluar banorët e fshatit Kurqele njësisë Administrative Suç, në Klos.
Ministrja shprehet se i ishte përgjigjur pozitivisht kërkesës së pushtetit vendor dhe prefektit të qarkut dibër, për tju ardhur në ndihmë këtyre banorëve. Madje shtoi se do të bëhen ndërhyrje edhe në rrugë të tjera në Bashkitë e Matit dhe të Klosit.
Sakaq, në një ceremoni modeste, ministrja Kodheli dha disa medalje mirënjohjeje për disa nga anëtarët e repartit të Xhenios.
Kanë qenë pjesë e hapjes së rrugëve, pjesë e emergjencave. Dhe ajo që ka më shumë rëndësi është se këtë e kanë bërë me përulësi, në kohë rekord edhe pa pretenduar asgjë në këmbim. Minimumi që mund të bëj është një falenderim të veçantë për ata që kanë sakrifikuar nga jeta e tyre për të qenë pranë qytetarëve. (D.D/Shuplaka)
