Ambasadorja e Shteteve të Bashkuara në Tiranë Yuri Kim me anë të një statusi në “Twitter” shkruan se uron që mos ketë marrëveshje mes palëve për sabotim të reformës në drejtësi. Ambasadorja nënvizon se reforma është e dhimbshme, por duhet të vazhdojë përpara.
Postimi i ambasadores amerikane në Tiranë Yuri Kim: “Shpresoj që fjalët për një marrëveshje prapa krahëve për të vrarë reformën në drejtësi në Shqipëri të mos jenë të vërteta. Reforma është e dhimbshme, e ngadaltë & jo perfekte por është e nevojshme, po bën përparim & duhet të vazhdojë.”
