“Plotësoni kërkesat që të rifillojë shërbimi”/ Shoqata e transportit sërish nesër protestë

Diten e nesërme në orën 10 përpara Ministrisë së Infrastrukturës dhe Energjisë  shoqata e transportit do të protestojë për miratimin e kërkesave për të mundësuar rifillimin e shërbimit.

Shoqata e transportit kërkon që që të hiqet akciza për naftës dhe taksave për karburantin si sektori i peshkimit, të ulet TVSH-ja nga 2% në 0% për këtë vit dhe më pas në vitin e ardhshëm të jetë 6%. Po ashtu ata kërkojnë rimbursimin e kapacitetit të munguar si pasojë e masave kufizuese por edhe rimbursimin në burim i kategorive të cilat përfitojnë transport falas.

Kujtojmë se Ministria njoftoi se duke filluar nga 15 qershori do të rinisë punën transporti publik.

“Një lajm i mirë për qytetarët dhe sektorin e transportit publik. 15 QERSHOR rifillon shërbimi i transport publik, duke ju përshtatur rregullave të reja, sipas protokollit të miratuar nga ISHP.”- njoftoi MIE.

Transporti publik ishte një ndër sektorët që nuk ishte hapur ende që pas mbylljes në Mars për shkak të pandemisë.