Policia e Elbasanit ka arrestuar një 43-vjeçar, i cili akuzohet për dhunën e ushtruar në 2 gusht të 2019 në një lokal, ku mbetën të plagosur tre shtetas.
Policia thekson se ka finalizuar operacionin “Zaranika”, ku është prangosur 43-vjeçarin, Gentian Mino, “banues në Elbasan, pasi Gjykata e Shkallës Parë Elbasan, ka caktuar masën e sigurisë “Arrest me burg”, për veprat penale “Vrasje në rrethana të tjera cilësues” e kryer në bashkëpunim, e mbetur në tentativë, dhe “Mbajtja pa leje e armëve të zjarrit”.
Sipas policisë “Gentian Mino në bashkëpunim me shtetasin Ilirjan Bezhani, ( i cili është arrestuar me parë), më datë 02.08.2019, në lagjen “28 Nëntori”, Elbasan, në ambientet e një lokali gjatë një konfliktit për motive të dobëta plagosën me armë zjarri dy shtetas si dhe me sende të forta një shtetas tjetër”.
Kujtojmë se me datën 2 gusht tre persona mbetën të plagosur në një lokal në Elbasan, konkretisht shtetasit Fezi Ago, Mihal Locashi, dhe Elton Cerriku.
Njoftimi i policisë: Finalizohet operacioni policor i koduar “Zaranika” Operacioni nga Drejtoria Vendore e Polciisë Elbasan në bashkëpunim me Njësinë speciale të Kërkimit “Fast”.
Kapet dhe vihet në pranga një i kërkuar për veprimtari kriminale në fushën e krimeve ndaj personit.
Në zbatim të planit të masave për mbajtjen nën kontroll të situatës kriminale dhe rendit publik, parandalimin dhe goditjen e veprimtarisë kriminale, kapjen e personave në kërkim, atyre me tendencë në krimet kundër personit etj, nga specialistët për Hetimin e Krimit Seksioni Kundër Personit në DVP Elbasan në bashkëpunim me forcën e Posaçme “FAST” në DPPSH, në kuadrë të operacionit policr të koduar “Zaranika” u bë kapja dhe ndalimi i shtetasit:
G.M., 43 vjeç, banues në Elbasan, pasi Gjykata e Shkallës Parë Elbasan, ka caktuar masën e sigurisë “Arrest me burg”, për veprat penale “Vrasje në rrethana të tjera cilësuse” e kryer në bashkëpunim, e mbetur në tentativë, dhe “Mbajtja pa leje e armëve të zjarrit”.
Ky shtetas në bashkëpunim me shtetasin I.B., ( i cili është arrestuar mê parë), më datë 02.08.2019, në lagjen “28 Nëntori”, Elbasan, në ambientet e një lokali gjatë një konfliktit për motive të dobëta plagosën me armë zjarri dy shtetas si dhe me sende të forta një shtetas tjetër.
Po nga verprimet hetimore të kryera dyhsohet se ky shtetas është i përfshirë edhe në ngjarje të tjera kriminale të ndodhura më parë në Elbasan, ku vijon puna për zbarhdjen dokumentinin ligjor të impkimit të këij shtetasi.
Materialet hetimore i kaluan Prokurorisë pranë Gjykatës së Shkallës Parë Elbasan, për veprimet e mëtejshme proceduriale.
