Forca të shumta policie kanë mbërritur para kryeministrisë për të shpërndarë organizatorët dhe pjesëmarrësit që po mbanin protestë kundër mbajtjes së maskës. Raportohet se janë shoqëruar më shumë se 10 persona, mes të cilëve kishte edhe gra e të rinj.
Ndërkohë, para kryeministrisë mbërritën 5 makina të vogla dhe furgona, nga të cilat dolën edhe efektivë të forcave Shqiponja. Më parë, avokati Altin Goxhaj foli para kamerave duke thënë:
“Kjo është vrasje, kjo është vdekje. Kjo është faza e fundit e axhendës për shpopullimin e shqiptarëve. Kjo tani është ndarja, këtu merr fund. Maskat janë hap ii parë për të demonstruar nënshtrimin. Koncepti është që ajo maskë është fillimi, vazhdimi është ky”.
Pas fjalës së tij, personat e pranishëm hodhën maskat e tyre në një kosh me flakë duke i djegur në shenjë proteste ndaj udhrit të ri të qeverisë.
Ditën e sotme ka hyrë në fuqi vendimi që maskat të mbahen me detyrim në çdo ambient, përvec shtëpisë në të kundërt, qytetarët do të marrin masë ndëshkimore 30 mijë lekë të vjetra që do të zbatohet në faturën e energjisë elektrike. (A.M/Faxweb.al)
