Deri në 100 mijë njerëz në karantinë për shkak të një… studenteje

Autoritetet shëndetësore të Zelandës së Re kanë mbyllur pjesërisht qendrën e qytetit të Auckland-it.

Qytetarëve iu kërkua të mos largoheshin nga shtëpitë e tyre sepse po vijon kërkimi për kontakte të një studenteje që është i infektuar me koronavirus.

“Si një masë paraprake, ne u kërkojmë njerëzve që punojnë në qendër të Auckland-it që të punojnë nesër nga shtëpia kudo që është e mundur,” tha ministri Chris Hipkins.

Numri i punonjësve në rrethin e biznesit të Auckland-it që janë urdhëruar të qëndrojnë në shtëpi është 100,000.

“Nëse duhet të futeni në këtë zonë, përdorni maska ​​dhe mbani një distancë ndërsa autoritetet shëndetësore vazhdojnë të punojnë për të gjetur burimin e këtij infeksioni,” tha ministri.

Rasti misterioz i studentes së infektuar po shqetëson autoritetet sepse ata thonë se ajo nuk lëvizte nëpër zonat e rrezikut.

Ajo bëri testin të martën pasdite dhe autoritetet shëndetësore i thanë që të qëndronte në shtëpi derisa të merrte rezultatet.

Por ajo shkoi në punë të mërkurën, e veshur me maskë dhe puna e saj përfshin kontaktin me klientët.

“Studentja raportoi se duhej të shkonte në izolim, por pasi bisedoi me shefin e saj, ajo përsëri shkoi në punë sepse ai ia kërkoi atë,” tha Ministria e Shëndetësisë.

Vajza mësoi të enjten se ishte pozitive. Ajo tashmë është në karantinë, por ende nuk ka të dhëna konkrete mbi burimin e infeksionit.

Ndërsa me infeksion, studentja mori disa taksi, vizitoi disa restorante dhe dyqane rrobash. Kryebashkiaku i Auckland-it, Phil Goff tha se ishte i zhgënjyer me këtë zhvillim.

Kujtojmë se Zelanda e Re është ndër modelet e rralla të një suksesi të deritanishëm në kuadër të krizës globale COVID. Asgjë më shumë se izolimi social nuk ka qenë “sekret” i këtij suksesi.