Analisti Ben Andoni i ftuar pasditen e sotme në Fax News, foli në lidhje me përballjen e ish-krerëve të UÇK-së, në Gjykatën e Hagës, ku tha se sheh një rrugë shumë të vështirë dhe shumë të gjatë për to.
Andoni theksoi se në Kosovë vijon normalisht jeta politike, dhe se tensioni i krijuar ka të bëjë me situatën e brendshme në vend dhe jo me ato që po përballen në Gjykatën e Hagës,
Ndër të tjera Andoni shtoi se Kosova dhe Shqipëria nëse vërtetë janë të bindura për pafajësinë e këtyre personazheve duhet të asistojnë, e para jo vetëm me këshilla juridike, por me një lloj sigurie dhe ‘background’ shumë pozitiv, unë duke parë këtë ‘background’ unë shikoj se ato do të kenë rrugë shumë të gjatë në Hagë dhe shumë të vështirë.
Sakaq analisti Ben Andoni shtoi se do të ketë edhe persona të tjerë që do të arrestohen.
“Arrestimi këtyre njerëzve nuk është se ka bërë përshtypje në Kosovë. Gjithçka po përdoret si garniturë për të mbuluar luftën e brendshme
Ata më shumë për çdo gjë e kanë mendjen për zgjedhjet. Nuk është se kanë infrastrukturën gati. Ndërkohë që kurba njeh vetëm rritje, ndërkohë që përballja e infrastrukturës në të dy vendet tona është shumë problematike dhe kjo mund ta ndihmojë z. Hoti që të shtyjë jetën politike.
Por nuk është se në Kosovë ka bërë shumë përshtypje, por vijon ajo jeta politike me atë tensionin e brendshëm që është tension për jetën e brendshme, dhe nuk është për këta njerëz. Kosova dhe Shqipëria nëse vërtetë janë të bindura për pafajësinë e këtyre personazheve duhet të asistonin, e para jo vetëm me këshilla juridike, por me një lloj sigurie dhe background shumë pozitiv. Unë duke parë këtë background unë shikoj se ato do të kenë rrugë shumë të gjatë në Hagë dhe shumë të vështirë.
Do të ketë edhe persona të tjerë. Kur u arrestuan njerëzit kryesor, patjetër që janë edhe njerëz të tjerë. Me futjen pas hekurave të këtyre, Gjykata Speciale në një farë mënyrë justifikoi zvarritjen shumë të gjatë të krijimit të saj, kuptohet që ka dhe pak diss politik. Zotit Thaçit psh, mund t’ja bënin të ditur edhe më parë dhe Thaçi u lajmërua gjatë udhës që po shkonte në Uashington për Marrëveshjen me Serbinë. Nuk besoj se kjo koeçidencë është kaq e rëndësishme.
Do të ketë edhe njerëz të tjerë, kjo mjafton të dëgjosh informacionet e Kosovës, të jetosh në Kosovë dhe ti e beson. Akuzat dhe kundër akuzat që ato shprehin me njëri-tjetrin direkt ose indirekt, kupton se ato vetë e kanë furnizuar Hagën. Kuptohet që Serbia ka një infrastrukturë të tërë, ka ministrinë e Drejtësisë që i ka shërbyer Hagës dhe e ka pranuar këtë, por ndërkohë vetë kosovarët e kanë ushqyer me dëshmitarët e tyre dhe më besoni në ditët në vijim do të njihini edhe më shumë për këto hallka.”- tha Andoni.
(M.Q/Faxweb.al)
Discussion about this post