Kreu i qeverisë Edi Rama ka komentuar mbrëmjen e djeshme darkën që një pjesë e ministrave të qeverisë zhvilluan në Dubani në restorantin e Nusretit, darkë e cila ka shkaktuar debate në opinionin publik.
Rama ka rënë në fakt në kontraditë me atë që është shprehur, pasi ka thënë se video u bë për të nderuar të pranishmit në tavolinë, ndërkohë që vetëm pak minuta pasi u bë virale në Shqipëri, videoja u zhduk nga rrjetet e restorantit të Nusret.
“Ishte një delegacion i madh, ku kishte edhe media, edhe gazetarë. Udhëtimi i këtij delegacioni të madh ka qenë një darkë pune, pasi ne kemi arritur një marrëveshje me qeverinë e Emirateve të Bashkuara Arabe.
Videoja është filmuar nga vetë restoranti dhe është hedhur në Instagramin e vetë restorantit. Video u filmua nga vetë lokali për të nderuar atë tavolinë që ishin të ftuar nga pala pritëse, pra udhëtimi nuk ishte për pushime, por ishte një dhëtim pune.
Princi i Kurorës së Emiratave të Bashkuara Arabe është një njeri i jashtëzakonshëm. Ai do të investojë edhe për ndërtimin e banesave të dëmtuara nga tërmeti. Ai ka investuar personalisht për ndërtimin e 2000 banesave”- tha Rama. (E.K/Faxweb.al)
Discussion about this post