Ditën e sotme tregtarët e fruta-perimeve të Durrësit të cilët shisnin në zonën e Markatës kanë dalë në protestë në tregun ku Bashkia i zhvendosi të quajtur “Fusha e rërës” duke thënë se nuk mund të tregtojnë mallrat në këto kushte të vështira. Kujtojmë se 4 ditë më parë Bashkia e Durrësit u dërgoi shkresën për tu zhvendosur nga zona ku tregtonin prej shumë vitesh dhe të vendoseshin në një zonë larg qytetit.
“Ne ishim në kushte të vështira por tani akoma më keq sepse nuk kemi as kushtet elementare. Ne kaluam situata të vështira edhe në kohën ë pandemisë por ia dolëm të fitonim bukën e gojës. Na kanë sjellë këtu në qiell të hapur, në një zonë shumë larg qytetit dhe askush nuk po përgjigjet nga Bashkia. Ne kemi marrë fund, na këtu ska as tualet as ujë , më mirë të mbyllet fare sesa të dalim këtu sepse nuk a asnjë kusht“- u shpreh një nga tregtarët.
Të pyetur nga gazetarja e Fax News Kloida Gjuzi se a do të rriten çmimet e mallrave një nga tregtarët tha se do të ndodhë pasi do rriten shpenzimet dhe një pjesë e mallit do të hidhet. “Ne do detyrohemi të hedhim mallin në kosh se nuk do e shesim dot. Ne jemi kundër restaurimit të Markatës dhe kemi dëgjuar që për 5 muaj do hymë prapë në atje dhe ne nuk jemi dakort. Bashkia të mbajë përgegjësi sepse jemi 350 vetë këtu dhe duhet të na plotësojnë minimalisht ndonjë kusht, të na çojnë banakët“-u shprehën tregtarët.
Discussion about this post