Sekretari i Përgjithshëm i Federatës Shqiptare të “Vrojtuesit të Plazhit dhe Shpëtimit në Ujë”, Gent Lasku ka dhënë detaje mbi ngjarjen e rëndë në Spille, ku u mbytën 2 pushues nga Maqedonia e Veriut.
Lasku tha ne News 24 se pushuesit kanë qenë duke u larë në plazhin publik, ku nuk ka pasur vrojtues plazhi. Mes të tjerash ai dha dhe një detaj tjetër të rëndë për këtë ngjarje, ndërsa shtoi se bashkë me dy viktimat, meshkuj, ka qenë edhe një grua duke u larë, e cila rezulton e zhdukur.
“Ngjarja ka ndodhur sot. Më lejoni t’i shpreh ngushëllime familjarëve të viktimave. Shpreh keqardhjen në emër timin dhe të institucionit. Vrojtues plazh nuk ka pasur në vendin ku na ndodhur në atë vend. Ata kanë qenë pjesë e një grupi turistik nga Maqedonia e Veriut. Ka qenë në plazhin publik. Vrojtuesi ka ndërhyrë kur ka parë trupat në ujë. Si fillim ka parë një trup. Por kur ka hyrë në det më tej ka parë dy trupa. Ata nuk kanë qenë pjesë e atij plazhi që monitorohej. Ata janë nga Maqedonia e Veriut. Rreth 63 deri në 70 vjeç. Shkaku i mbytjes ka qenë arresti kardiak. Të dy janë meshkuj. Është bërë masazh kardiak nga vrojtuesit e plazhit dhe më pas nga ndihma e parë. Ndihma e specializuar është dhënë dhe me mjetet më të fundit. Nuk është bërë e mundur rikthimi në jetë me parametrat e tyre. duhet patjetër një vrojtues plazhi, pasi ata japin ndihme te specializuar.”, tha ai.
(E.H/Faxweb.al)
